السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
أحبتي اعضاء وزوار هذا المنتدى
هل تريد ان تكون عامل بسيط مثل ( نجار - خياط - سباك - كهربائي ... الخ )
أغلب الاجابات التي سمعتها هي ( لأ )
ليش لأ
صحيح ان املك ودك تصير
طبيب - مهندس - طيار .... الخ
ما نقولك لأ .. لا تصير طبيب او مهندس او اللي تحلم فيه
بس ما هو عيب اذا اشتغلت نجار - كهربائي- سباك - خياط
النبي نوح كان نجار وادريس كان خياط محمد عليه افضل الصلوات والتسليم كان راعي غنم
الى متى نقول لا عيب هذي الشغله ما تناسبني ولا احب اشتغلها وتنقص من مقداري شي
ياخي اشتغل وكد على نفسك ازين من يجي لك يوم وتطلب الناس فيه ( الله لا يقوله ان شاء الله )
بس ياخي اعمل الاسباب لان الدنيا هذي والله ما فيها امان وخصوصا بالمستقبل
ولا تقول ان هذي الشغلات عيب الشعوب المتخلفة فقط هي التي تعتقد أن العمل عيب، وخاصة في قطاعات معينة منه
ياخي فيه بعض الشركات قدمت فرصه العمر لبعض الشباب ( اللي هي شركه عبداللطيف جميل )
وتركز الحملة على تشجيع الشباب للعمل في المجالات المهنية المختلفة مثل السباكة والحدادة وإعداد المأكولات والخياطة وميكانيكا السيارات
صح ان املك انت وامل اهلك انك تكون طبيب او مهندس بس اذا قلبت عليك الدنيا ولا لقيت امنيتك
تبي تقعد طول عمرك تقول ان الشغل مهوب عاجبك وعيب اشتغل هذي الشغله ؟؟
معليش بس حبيت اعطيكم اقتباس من خبر قريته بأحد مواقع الصحف
ليش ما نكون مثله ؟؟؟
اللحين فيه فرص كثيره للوظائف
حتى لو تكون الوظيفه مهيب اللي تبيها ومرتبها مهوب طموحك ادخلها يمكن تتغير حياتك
وآخر شي اقوله هو سؤالي
هل تقبل بأن تكون سباك أو نجار أو ميكانيكي او خياط او حداد ؟؟؟؟
واسف على الاطاله